حکومەتی سعودیە بەبڕیاری جێنشینی ئەو وڵاتە زیاتر لە ٤٠٠ ملیۆن دۆلار وەک ھاوکاری مرۆیی پێشکەشی ئۆکراین دەکات.
ئاژانسی رەسمی ھەواڵی سعودیە بڵاویکردەوە، محەمەد بن سەلمان جێنشین و سەرۆک وەزیرانی سعودیە لە پەیوەندییەکی تەلەفونیدا لەگەڵ ڤۆلۆدیمیر زیلینسکی سەرۆکی ئۆکراین ئامادەیی وڵاتەکەی دەربڕیووە بۆ ھەموو جۆرە ھاوکارییەکی مرۆیی بەتایبەتی بۆ ئەو ھاوڵاتیانەی ئۆکراین کە زیانی زۆریان بەھۆی شەڕ و ئاڵۆزییەکانەوە بەرکەوتووە.
ئاماژەی بەوەشکردوە، جێنشین و سەرۆک وەزیرانی سعودیە بڕیاریداوە زیاتر لە ٤٠٠ ملیۆن دۆلار لە بودجەی وڵاتەکەی وەک ھاوکاری مرۆیی پێشکەشی ئۆکراین بکات و ئامادەییشی پیشانداوە نێوەندگیری بکات لەپێناو کەمکردنەوەی گرژی و ئاڵۆزییەکان.