هەمەڕەنگ

گرانترین خانوو لە جیهاندا دەفرۆشرێت


سەرچاوەیەك لە ڕۆژنامەی دەیل مەیل بەریتانی بڵاویكردووەتەوە ، یەكێك لە گرانترین خانووەكانی جیهان دەفرۆشرێت،بەڵام ئەوەی جێگەی سەرنجە نرخی ئەو خانووە ٣٤٠ ملیۆن دۆلار ئەمریكییە.

هەر بەپێی ئەو سەرچاوەیە، ئەو خانووە دەکەوێتە ناوچەی "بیلیر" لە ویلایەتی كالیفۆرنیا و ڕوبەرەكەی دەگاتە  ٩ هەزار و ٧٥٧ مەتر چوارگۆشە . هاوكات ئەو خانووە بەهۆی هەڵكەوتەی شوێنكەی کە لە ناوچەیەكی بەرزە و بە سەوزایەكی زۆر دەوردراوە و تایبەتمەندییە سەرنجڕاكێشەكانییەوە ، وایكردووە بە گرانترین نرخی هەبێت.

 ئەم خانووە لە ٢٢ ژوور و ٤٢ گەرماو پێكهاتووە، شارەزایانیش دەڵێن ، بابەتەكە تەنها ئەوەنییە كە خانووەکە بە گرانترین نرخ دەفرۆشرێت ، بەڵكو بە گرانترین مۆڵكی خاوەندارێتیش دادەنرێت لە مێژووی ویلایەتە یەكگرتووەكانی ئەمریكادا.

 ئەوەی جێگەی سەرنجە، بەهۆی تایبەتمەندییە سەرنجڕاكێشەكانیەوە ئەم خانووە  ناوی " زە وەن "ی لێنراوە ، و كاتی دروستكردنەكەشی ٨ ساڵی خایاندووو نزیكەی ٧٠٠ كرێكاریش كاری تێدا كردووە  ، هەروەها لە گەراجی خانووەكەدا  جێگەی نزیكەی ٣٠ئۆتۆمبیل دەبێتەوە  و ٥ مەلەوانگە و ٣ هۆڵی سینەماش لە خۆدەگرێت .

نەخشیەی خانووەكەش لەلایەن ئەندازیار " بول ماكلین " ەوە كێشراوە ، هەروەها  لایەن دیزاینەر بەناوبانگ  " كاسرین ڕوتوندی "ەوە دیزاینی ناوەوەی بۆ کراوە .



مانگ پێشتر - Jan 15 2021 5:39PM
Print Friendly and PDF
زیاتر
12