دەزگای ھەواڵگری سەربازی عێراق، تیرۆریستێکی لە خورماتوو دەستگیر کرد.
دەزگای ھەواڵگری سەربازی عێراق ڕایگەیاند، لە ئۆپەراسیۆنێکی ھەواڵگریدا، بەشی ھەواڵگری و ھێزەکانی بارەگای ئۆپەراسیۆنە ھاوبەشەکانی خورماتوو، بە ھاوکاری فەوجێکی ھێزی بەرپەرچدانەوەی خێرا، توانییان یەکێک لەو تیرۆریستانە دەستگیر بکەن کە لە لایەن دەسەڵاتی دادوەریی عێراقەوە داواکراوە و بەپێی بڕگەکانی ماددەی ٤ی تیرۆر لە فەرماندەیی ئۆپەراسیۆنەکانی باشوور فەرمانی دەستگیرکردنی ھەبووە.
ئاشکراشیکرد، دوای تەواوکردنی ڕێکارە ئەمنییەکان تیرۆریستەکە رووبەرووی یاسا دەکرێتەوە.