تەندروستی

دوای هەشت مانگ لە چین حاڵەتێكی گیان لە دەستدان بە كۆرۆنا تۆماركرا


لە دوای هەشت مانگ، لە چین حاڵەتێكی تری گیان لە دەستدان بە ڤایرۆسی كۆرۆنا تۆمار كرا.

لیژنەی تەندروستی نیشتمانی چین لە ڕاگەیەندراوێكدا بڵاویكردەوە، حاڵەتێكی نوێی گیان لە دەستدان بە كۆڤید ١٩ لە هەرێمی هوبی لە باكوری ئەو وڵاتە تۆماركراوە، لێپرسراوانی چینیش كەرەنتینیان لە بەشێك لە شارەكانی سەر بەو هەرێمە ڕاگەیاندووە. ئەوە لە كاتێكدایە دوایین حاڵەتی گیان لە دەستدان كە بەهۆی كۆرۆناوە لە چین تۆماركرابوو لە مانگی ئایاری ساڵی ڕابردوودا بووە.

ڕۆژی چوار شەممەش لیژنەی نیشتمانی تەندروستی چین بڵاویكردەوە، لە دوای ٥ مانگ بۆ جارێكی تر بەرزترین ئاستی تووشبوون بە كۆرۆنا تۆمار كراوەتەوە و لە ماوەی ٢٤ سەعاتدا ١١٥ كەسی تر لەو وڵاتە تووشی كۆرۆنا بوون.

مانگ پێشتر - Jan 14 2021 11:05AM
Print Friendly and PDF
زیاتر