جیهان

لە چەند بۆردوومانێكی ئیسڕائیلدا لە سوریا زیاتر لە ٥٠ سەرباز و چەكدار كوژران


بە وتەی لێپرسراوێكی (سی ئای ئەی)، سوپای ئیسڕائیل چەند ناوچەیەكی ستراتیژیی لە سوریا، بۆردوومان كردووە.

ئاژانسی هەواڵی فەڕەنسا لە زاری لێپرسراوێكی (سی ئای ئەی)، بڵاویكردەوە، بۆردوومانەكانی سوپای ئیسڕائیل لە سوریا پشتبەستوو بووە بە زانیاری هەواڵگری ئەمریكا، (مایك پۆمپیۆ) وەزیری دەرەوەی ئەمریكاش لە پەیوەندییەكی تەلەفۆنیدا لەگەڵ سەرۆكی دەزگای هەواڵگری ئیسڕائیل، گفتوگیان لە بارەی بۆردوومانەكانی ناو خاكی سوریا، كردووە.

پێشتر، ڕوانگەی سوریا بۆ مافەكانی مرۆڤ ڕایگەیاندبوو، فڕۆكە جەنگیەكانی ئیسڕائیل لە چەند بۆردوومانێكدا ژمارەیەك كۆگای چەك و بارەگای سەربازییان لە دێرەزوور تا سنورەكانی عێراق لە (ئەلبو كەمال) كردووەتە ئامانج و لە ئەنجامی بۆردوومانەكانیشدا زیاتر لە ٥٠ سەربازی سوپای سوریا و چەكداری میلیشیاكان، كوژراون.

بە پێی ڕاپۆرتێكی سوپای ئیسڕائیل، تەنها لە ٢٠٢٠دا فڕۆكە جەنگییەكانی ئەو وڵاتە نزیكەی ٥٠ بۆردوومانیان لە سوریا ئەنجامداوە.

هەفتە پێشتر - Jan 13 2021 9:25PM
Print Friendly and PDF
زیاتر