کوردستان

لە ڕانیە كۆنفرانسی "بۆ ئایندەیەكی باشتر بە خۆبەخشی كار دەكەین" بەڕێوەدەچێت


لە ڕانیە كۆنفرانسێكی تایبەت بە كاری خۆبەخشی لە ژێر ناونیشانی "بۆ ئایندەیەكی باشتر بە خۆبەخشی كار دەكەین" لەلایەن بۆردی گەنجانی یەكێتیەوە بە چاودێری بەشی گەنجانی نوسینگەی جێگری سەرۆكی حكومەت ڕێكخرا.

هونەر عەدنان لێپرسراوی بۆردی گەنجانی یەكێتی لە ڕانیە ڕایگەیاند، ئامانج لەو كۆنفرانسە هاندانە بۆ كاری خۆبەخشی لە پێناو مرۆڤایەتی. وتیشی، لە كاتی بڵاوبوونەوەی ڤایرۆسی كۆرۆنا لەو سنورەدا، تیمێكی خۆبەخشیان پێكهێناوە و ڕێنماییان داوە بە هاوڵاتیان بۆ خۆپاراستن لە تووشبوون بە ڤایرۆسی كۆرۆنا، ئەوەش ڕۆڵێكی بەرچاوی هەبووە لە هۆشیاركردنەوەی هاوڵاتیاندا، لە كۆتایی كۆنفرانسەكەشدا، لەلایەن بۆردی گەنجان و بەشی گەنجانی نوسینگەی جێگری سەرۆكی حكومەت، ڕێز لەو خۆبەخشانە گیرا كە لە ڕیزی پێشەوەی بەرەنگاربوونەوەی ڤایرۆسی كۆرۆنا بوون.


6 ڕۆژ پێشتر - Jan 13 2021 6:40PM
Print Friendly and PDF
زیاتر