بۆردومان و تۆپبارانکردنی ناوچەکانی رۆژئاوای کوردستان لەلایەن سوپای تورکیا بەردەوامە و ئەمڕۆش ٥٥ ھاوەنی ئاڕاستەی چەند گوندێکی باکوری شاری مەنبج کرد.
پەیامنێری کوردسات نیوز رایگەیاند، لە بەیانی ئەمڕۆوە سوپای تورکیا ھەردوو گوندی "عەون دادات" و "محەسەنلی" و چەند گوندێکی تری لە باکوری شاری مەنبج، بە ھاوەن و مووشەک بۆردوومان کردووە و ٥٥ ھاوەنی ئاڕاستە کردوون.
ئاماژەی بەوەشکرد، بۆردومانەکە بەشێوەی ھەڕەمەکی بەردەوامە و ئەو ناوچانەش دانیشتووانی تێدایە و مەترسی لەسەر ژیانیان دروست بووە.