لە کەرکوک ٧٧ کەس بە تۆمەتی تیرۆر، دەستگیرکران و ژمارەیەکی زۆریش چەک و تەقەمەنی دەستی بەسەرداگیرا.
فەرماندەیی ئۆپەراسیۆنە ھاوبەشەکان لە کەرکوک رایگەیاند، لە ئۆپەراسیۆنە بەردەوامەکانی بەرەنگاربوونەوەی تیرۆر، ھێزەکانیان توانیویانە ١٧ تیرۆرست و ٦٠ داواکراو دەستگیر بکەن.
ئاماژەی بەوەشکرد، لە ئۆپەراسیۆنەکاندا ٧ شوێنی حەوانەوەی تیرۆریستانی داعشیان لەناوبرد و دەستیشیانگرتووە بەسەر ٧ کۆگای چەکدا، ھاوکات ٥٩ ئامێری تەقینەوە و ٢٤ موشەک و ٥٠ بۆمبی ھاوەن و چەندین جۆر تەقەمەنی تر دەستیان بەسەردا گیراوە.