تورکیا کوژرانی دوو سەربازی لە ھەرێم ڕاگەیاند

2022-07-02   |  
فۆتۆ: 
کوردسات نیوز
وەزارەتی بەرگریی تورکیا، کوژرانی دوو سەربازی وڵاتەکەی لە ھەرێمی کوردستان ڕاگەیاند، تا ئێستاش تورکیا کوژرانی ٣٤ سەربازی لە میانی لەشکرکێشیی چڕنووک-قووفڵ، لە ھەرێم ڕاگەیاندووە.

وەزارەتی بەرگریی تورکیا، لە ڕاگەیاندراوێکدا ئاماژەی بەوەکرد، دوو ئەندامی ھێزە ئەمنییەکانیان لە ناوچەکانی ئۆپراسیۆنی چڕنووک-قووفڵ کوژراون.

بەرەبەیانی ڕۆژی ١٨ی نیسانی ئەمساڵ، تورکیا لەشکرکێشییەکی نوێی لە ناوچەکانی زاپ و ئاڤاشین و مەتینا و باسیان لە ھەرێمی کوردستان ڕاگەیاند، تا ئێستا تورکیا کوژرانی ٣٤ سەربازی وڵاتەکەی لە میانی ئەو لەشکرکێشییە ڕاگەیاندووە.