وەزارەتی بازرگانی عێراق ڕایگەیاند، تا ئێستا کۆی بەرھەمی وەرگیراوی ئەمساڵی گەنمی جوتیارانی عێراق و ھەرێم دوو ملیۆن تۆنی تێپەڕاندووە.
لە ڕاگەیەندراوێکدا وەزارەتی بازرگانی عێراق بڵاویکردووەتەوە، بڕی گەنمی بازاڕکراو لەم وەرزەدا دوو ملیۆن تۆن تێپەڕیوە و پڕۆسەی بە بازاڕکردنیش لە پارێزگاکانی نەینەوا و کەرکوک و پارێزگاکانی ھەرێم ھێشتا بەردەوامن.
ڕوونیشیکردووەتەوە، لەسەر ئاستی عێراق و ھەرێمی کوردستان پڕۆسەی بە بازاڕکردنی گەنم لە کەرکوک زۆر بەخێرایی بەڕێوەدەچێت.
وەزارەتی بازرگانی عێراق ڕاشیگەیاندووە، خەرجکردنی شایستەی دارایی جوتیاران بە میکانیزمێکی نوێیە و جیاوازە لە ھەموو ساڵەکانی پێشووتر.