تەندروستی

تەندروستی جیهانی زانیاری لە بارەی جۆرە نوێیەكەی كۆرۆنا ئاشكرا دەكات


ڕێكخراوی تەندروستی جیهانی زانیاری نوێ لە بارەی جۆرە نوێیەكەی كۆرۆنا ئاشكرا دەكات و ئاماژە بەوە دەكات، هەرچەندە لە بڵاوبوونەوەدا خێراترە، بەڵام بەهێزتر نیە.

هانز هێنری پسپۆڕ لە ڕێكخراوی تەندروستی جیهانی ڕایگەیاند، ڤایرۆسی كۆرۆناش هاوشێوەی جۆرەكانی تری ڤایرۆس بە تێپەڕبوونی كات گۆڕانی بەسەردا دێت و لە نیگەرانی و ترسەكانیش لە بارەی جۆرە نوێیەكەی كۆرۆنا تێدەگەن، كە تا ئێستا جۆرە نوێیەكەی كۆرۆنا لە ٢٢ وڵاتی ئەوروپا بڵاوبووەتەوە. وتیشی، ئەم جۆرە نوێیەی كۆرۆنا لە بڵاوبوونەوەدا لە كۆڤید ١٩ خێراتر بڵاودەبێتەوە، بەڵام كاریگەرییەكانی لەسەر كەسی تووشبوو زیاتر نیە.

زیاتر لە ٤٠ وڵاتی جیهان، جۆرێكی نوێی ڤایرۆسی كۆرۆنا دەستی بە بڵاوبوونەوە كردووە و لە بەریتانیا كە جۆرە نوێیەكەی كۆرۆنای لێدەركەوت، ڤایرۆسەكە لە بڵاوبوونەوەی خێرادایە و بەهۆیەوە تا ناوەڕاستی مانگی داهاتوو قەدەغەی هاتوچۆ ڕاگەیەندراوە.



2 هەفتە پێشتر - Jan 7 2021 7:18PM
Print Friendly and PDF
زیاتر
123