وەزارەتی پەروەردە ئامادەکاری بۆ تاقیکردنەوەکانی پۆلی ١٢ی ئامادەیی دەکات، بریکاری وەزارەتیش دەڵێت، ٢ ھەزار و ١٧٥ ھۆڵ بۆ تاقیکردنەوە ئامادەکراوە.
"سەیوان عەلی" بریکاری وەزارەتی پەروەردەی ھەرێم لە کۆنفرانسێکی ڕۆژنامەوانیدا ڕایگەیاند، لەگەڵ وەزارەتەکانی ناوخۆ و کارەبا و پێشمەرگە و خوێندنی باڵا و پارێزگارەکان و ئیدارە سەربەخۆکان ھەماھەنگییان کردووە بۆ بەڕێوەچوونی تاقیکردنەوەکانی پۆلی ١٢ی ئامادەیی.
وتیشی، دوو ھەزار و ١٧٥ ھۆڵی تاقیکردنەوە ئامادەکراوە، ١٠٧ ھەزار و ١٣٠ خوێندکاریش بەشداری تاقیکردنەوەکان دەکەن.