لە سەرەتای دەستپێکردنی ئاڵۆزییەکانی سوریاوە، نزیکەی ٢٦٠ ھەزار ھاووڵاتی ئەو وڵاتە بۆ عێراق کۆچیان کردووە و بە شێوەیەکی رەسمیی لە عێراق تۆمار کراون.
وەزارەتی دەرەوەی عێراق، رایگەیاند، نزیکەی ٢٦٠ ھەزار پەنابەری سوری بە شێوەیەکی رەسمیی لە عێراق تۆمار کراون، بەڵام دەیان ھەزار پەنابەری تری سوری لە شارەکانی عێراقن، کە لە دەرەوەی تۆمارە رەسمییەکانی کۆمیسیۆنی نەتەوەیەکگرتووەکانن بۆ کاروباری پەنابەران.
وەزارەتی دەرەوەی عێراق، پشتیووانییەکانی بۆ نێردەی نەتەوەیەکگرتووەکان بۆ کاروباری سوریا دووپاتکردەوە، بۆ کۆتاییھێنان بە قەیرانی سوریا و نەھامەتییەکانی گەلی ئەو وڵاتە.
لە سەرەتای دەستپێکردنی ئاڵۆزییەکانی سوریا، کە ١١ ساڵە بەردەوامن، نزیکەی ١٣ ملیۆن ھاووڵاتی ئەو وڵاتە ماڵوحاڵی خۆیان بەجێھێشت و ئاوارەی ناوخۆ و دەرەوەی سوریا بوون.