٩٧٥ ملیۆن دیناری بۆ ڕێکخستنەوەی پردی ئەبووسەنا لە سلێمانی خەرج دەکرێت

کوردسات نیوز

٩٧٥ ملیۆن دینار بۆ ڕێکخستنەوە و بە دووسایدکردنی پردی ئەبوو سەنا لە سلێمانی خەرج دەکرێت.

وەزارەتی شارەوانی و گەشتوگوزاری ھەرێم لە راگەیەنراوێکدا ئاماژەی بۆ ئەوەکردووە، لەسەر ڕێژەی لە ١٠٠%ی داھاتی فرۆشتنی زەوی ڕوکن و نایابی شارەوانی، بڕیاریدا بە خەرجکردنی ٩٧٥ ملیۆن و ٤١٧ ھەزار دینار بە مەبەستی جێبەجێکردنی پڕۆژەی ڕێکخستنەوە و دوو سایدکردنی پردی ئەبوو سەنا لە سنووری سەرۆکایەتی شارەوانی سلێمانی.