نرخی نەوت دابەزی
کوردسات نیوز
دوو رۆژ دوای بڕیارەکەی رێکخراوی ئۆپیک پڵەس بۆ کەمکردنەوەی ئاستی بەرھەمھێنانی نەوت، نرخی نەوت دابەزینی تۆمارکرد.
ئەمڕۆ لە بازاڕەکانی جیھاندا، نرخی یەک بەرمیل نەوتی برێنت، دابەزینی تۆمارکرد و بە ٧٥ دۆلار و ١٥ سەنتەوە مامەڵەی پێوەکرا.
نەوتی تەکساسیش، زیاتر لە ٢٥ سەنت دابەزی و بە ٧٠ دۆلار و ٥٢ سەنتەوە مامەڵەی پێوەکراوە.
ئەوەش لەکاتێکدایە کە رۆژی دووشەممە نرخی یەک بەرمیل نەوتی برێنت، ٢.٦ دۆلار و نەوتی تەکساس ٣.٣ دۆلار بەرزبووەوە، بەھۆی بڕیاری رێکخراوی ئۆپیک پڵەس بۆ کەمکردنەوەی زیاتری ئاستی بەرھەمھێنانی نەوت.
شارەزایانی ئابوری و نەوتیش دەڵێن، سەرباری بڕیارەکەی ئۆپیک پڵەس، بەڵام پێناچێت کاریگەری زۆری ھەبێت، چونکە ئامانجی بەرھەمھێنانی وڵاتانی روسیا و ئەنگۆلا و نەیجیریا گۆڕاوە، بۆیە گۆڕانکارییەکانی کاریگەری زۆر لەسەر خستنەڕووی نەوت دانانێن.
|