دەوڵەتی یاسا ئیمزا بۆ پەسەندکردنی بودجە کۆدەکاتەوە
کوردسات نیوز
ئەندامێکی ھاوپەیمانی دەوڵەتی یاسا دەڵێت، داوایان کردووە لە دوو رۆژی داھاتوودا ئەنجومەنی نوێنەران دەنگ لەسەر پڕۆژە یاسای بودجە بدات.
یاسر مالیکی، ئەندامی فراکسیۆنی دەوڵەتی یاسا لە ئەنجومەنی نوێنەران لە تویتێکدا رایگەیاند، بە ئیمزای پەرلەمانتارانی ھاوپەیمانییەکەیان، داواکارییەکیان ئاڕاستەی سەرۆکایەتی ئەنجومەنی نوێنەران کردووە بۆ ئەوەی لە دوو رۆژی داھاتودا کۆبوونەوەی دەنگدان لەسەر بودجە ئەنجام بدرێت.
پێشتریش لیژنەی دارایی داوای لە سەرۆکایەتی ئەنجومەنی نوێنەران کردبوو پەلە بکات لە دیاریکردنی کۆبوونەوەی دەنگدان لەسەر پڕۆژەیاسای بودجە، بۆ ئەوەی دەرفەت بە حکومەت بدرێت پڕۆژە خزمەتگوزارییەکانی دەستپێبکات.
|