وەزیری دەرەوەی سعودیە سەردانی بەغداد دەکات
کوردسات نیوز
وەزیری دەرەوەی سعودیە بۆ تاوتوێکردنی چەند پرسێکی نێوان ھەردوولا، سەردانی عێراق دەکات و پرسی دانوستانەکانیش لەگەڵ ئێران ئامانجێکی تری سەردانەکەیەتی.
بەپێی راگەیەنراوێکی وەزارەتی دەرەوەی عێراق، سبەینێ فەیسەڵ بن فەرحان وەزیری دەرەوەی سعودیە بە سەرۆکایەتی وەفدێکی باڵای حکومەتی وڵاتەکەی سەردانی بەغداد دەکات و چەندین پرسی تایبەت بە ھەردوو وڵات بەتایبەتیش دۆسێ سیاسی و ئابووری و ئەمنییەکان لەگەڵ لێپرسراوانی باڵای حکومەتی عێراق بۆ تاوتوێ دەکات.
ئاماژە بەوەشکراوە، ئامانجێکی تری سەردانەکەی وەزیری دەرەوەی سعودیە بۆ بەغداد دەستپێکردنەوەی گفتوگۆ و دانوستانەکانی نێوان وڵاتەکەی و ئێران بە نێوەندگیری عێراق کە تائێستا چەند خولێکی لە بەغداد بەڕێوەچووە.
|