پەرلەمانی کوردستان چەند پێشنیازە یاسایەکی پەسەندکرد

29/11/2022
فۆتۆ: 
کوردسات نیوز

پەرلەمانی کوردستان چەند پێشنیازە یاسایەکی پەسەندکرد و بەردەوامە لە خوێندنەوەی دووەم بۆ پڕۆژە یاسای کار.

لە کۆبوونەوەی ئەمڕۆدا، پەرلەمانی کوردستان پێشنیازە یاسای پاراستنی ئاژەڵان بە ٧١ دەنگی ئەندامانی پەرلەمان پەسەندکرد، پێشنیازە یاسای بەرکارکردنی یاسای فیدڕاڵیی واژۆی ئەلیکترۆنی و مامەڵە ئەلیکترۆنییەکانیش بە دەنگی ٦٧ پەرلەمانتار پەسەندکرا.

 ھەروەھا پڕۆژە یاسای ھەمواری پیادەکردنی یاسای بەڕێوەبردنی ئەوقاف و پڕۆژە یاسای ھەمواری یەکەمی یاسای ئەنجوومەنی شورا پەسەندکران. 

لە ئێستاشدا کۆبوونەوەکە بەردەوامە و خوێندنەوەی دووەم بۆ پڕۆژە یاسای کار لە ھەرێمی کوردستان دەکرێت، بۆ پارێزگاری لە ماف و ئیمتیازاتی کرێکاران.