شاناز ئیبراھیم ئەحمەد:بەھیچ شێوەیەک بەشداری لە شەڕی کورد بە کورد ناکەین
شاناز ئیبراھیم ئەحمەد
فۆتۆ:
کوردسات نیوز
شاناز ئیبراهیم ئەحمەد كارگێڕی مەكتەبی سیاسی یەكێتیی نیشتمانیی كوردستان رایگەیاند، یەكێتی بڕیاریداوە بەهیچ شێوەیەك بەشداری لە شەڕی كورد بە كورد نەكات و پێویستە لایەنەكانی دیكەش ئەو بەڵێن و بڕیارە بدەن.
شاناز ئیبراهیم ئەحمەد دوای كۆبوونەوەی لەگەڵ وەفدی"نێودەوڵەتی ئاشتی و ئازادی بۆ كوردستان"ی كە لە ١٤ ووڵاتەوە هاتوون. رایگەیاند، وەك یەكێتی بڕیاریانداوە بەهیچ شێوەیەك بەشداری لە شەڕی كورد بە كورد ناكەن، پێویستە لایەنەكانی دیكەش ئەو بەڵێن و بڕیارە بدەن، چونكە شەڕی كورد بە كورد دەبێتە هۆی ماڵوێرانی و قوڕبەسەری زیاتر بۆ گەلەكەیان.
رونیشیكردەوە، وڵاتی توركیا بەرنامە و نەخشەی خۆی هەیە، بەڵام ئەوەی گرنگە وەك كورد نەبینە هاوكار و جێبەجێكاری نەخشەی ئەوان، بەتایبەت پێشمەرگە نەكەین بە بەشێك لە سوپاكەیان".
راشیگەیاند، پێویستە حكومەتی عێراق لەم پرسەدا رۆڵێكی جدیتری هەبێت و تەماشاكار نەبێت، چیتر لەهاتنەناوەوەی سوپا توركیا، بڕینەوە و سوتاندنی دارستانەكان و بۆردومانی گوندەكان و شەهیدكردنی منداڵ و خەڵكی مەدەنی هەرێمی كوردستان بێدەنگ نەبێت.
لای خۆیەوە، بیرزە ویتهۆفت سەرۆكی وەفدەكە، هاتونەتە هەرێمی كوردستان تا لە نزیكەوە داگیركارییەكان ببینن و جیهانیش ئاگادار بكەنەوە، داوا لە وڵاتانی نێودەوڵەتی دەكەن بێن بە هانای ئەم پرسەوە و ڕێگە بگرن لەو داگیركارییانە.
|