کازمی پلانی دروستکردنی ١ ملیۆن یەکەی نیشتەجێبوونی ھەیە

20/06/2021
یەکەی نیشتەجێبوون
فۆتۆ: 
کوردسات نیوز

کازمی بە دروستکرنی یەک ملیۆن یەکەی نیشتەجێبوون کێشەی کرێچی چارەسەر دەکەین .

مستەفا کازمی سەرۆک وەزیرانی عیراق ئاشکرایکرد، ھەرچەندە زیاتر لە ١٠ پرۆژەی نیشتەجیبوون لەبەغداو پارێزگاکانی تر لەکاردایە، بەڵام ئاڕاستەی حکومەت ئەوەیە یەک ملیۆن یەکەی نیشتەجێبوونی تر لەسەرانسەری عیراقدا دروست بکرێت .


سەرۆک وەزیرانی عیراق لەمیانی سەردانێکیدا بۆ کۆمەڵگەی نیشتەجێبوونی بەسمایە لەباشووری رۆژھەڵاتی بەغدا رایگەیاند، بەشێوەیەکی جددی پاڵپشتی پرۆژەکانی نیشتەجێکردن دەکەین،  تا دەگاتە یەک ملیۆن یەکەی نیشتەجێبوون لەسەر ئاستی ھەموو عیراق .


کازمی ئاماژەی بەوەشکرد، لەماوەی رابردوودا دەنگماندا لەسەر دروستکردنی کۆمەڵگەی نیشتەجێبوونی رەفیل و ئێستا ئامادەیە بۆ جێبەجێکردن، جگەلەوەش ئێستا ١٠ پرۆژەی تری نیشتەجێبوون لە بەغداو سەرجەم پارێزگاکانی دەست بەجێبەجێکردنیان کراوە .
سەرۆک وەزیرانی عیراق رونیکردەوە، ئێستا ٣٥ ھەزار یەکەی نیشتەجێبوون لە کۆمەڵگەی بەسمایە تەواوکراون و  ئامانجمان ئەوەیە ئەو ژمارەیە بۆ ١٠٠ ھەزار بەرز بکەینەوە.