لەسەرەتای ئەمساڵەوە تائێستا ١٠٥ تیرۆریست لە عێراق دەستگیرکراون
کوردسات نیوز
دەزگای روبەروبوونەوەی تیرۆری عێراق ئاشکرایکرد، لەسەرەتای ئەمساڵەوە تائێستا ١٠٥ تیرۆریست دەستگیرکراون.
سەباح نوعمان وتەبێژی دەزگای روبەروبوونەوەی تیرۆری عێراق رایگەیاندووە، لەسەرەتای ئەمساڵەوە ٢١٦ ئۆپراسیۆنی ئەمنی دژی تیرۆریستان بەڕێوەچوون و لەو ئۆپراسیۆنانەدا ١٠٥ تیرۆریست دەستگیرکراون و ٥٣ تیرۆریستیش کوژراون.
ئاماژەی بەوەشکردووە، لەو ماوەیەدا ١١٦ مۆڵگەی تیرۆریستان لەناوبراوە.
ھەروەھا وتەبێژەکەی دەزگای روبەروبوونەوەی عێراق ئاشکراشیکردووە، زۆرینەی ئۆپراسیۆنەکان لە پارێزگاکانی دیالە و باشوری کەرکوک و موسڵ ئەنجامدراون.
|