بافڵ جەلال تاڵەبانی پیرۆزبایی لە پارتی سۆسیال دیموکراتی کوردستان دەکات
کوردسات نیوز
سەرۆک بافڵ جەلال تاڵەبانی، بەبۆنەی ساڵیادی دامەزراندنی پارتی سۆسیال دیموکراتی کوردستان پەیامێکی پیرۆزبایی ئاراستەی محەممەدی حاجی مەحمود سەرۆکی ئەو حیزبە کرد.
دەقی پەیامەکە:
بەڕێز محەمەد حاجی مەحمود، سەرۆکی پارتی سۆسیال دیموکراتی کوردستان.
بەبۆنەی ساڵیادی دامەزراندنی پارتەکەتانەوە، پیرۆزباییەکی گەرم ئاڕاستەی بەڕێزتان، سەرکردایەتی، ئەندام و لایەنگرانتان دەکەم.
پارتی سۆسیال دیموکراتی کوردستان خاوەنی مێژوویەکی پرشنگدارە لە شۆڕشی نوێ و پێگەیەکی گرنگی ھەبووە لە بزووتنەوەی رزگاریخوازی گەلەکەماندا.
لەم بۆنەیەدا جەخت لە پەرەپێدانی پەیوەندییەکان و یەکخستنی ھەوڵەکان دەکەینەوە لەپێناو زیاتر خزمەتکردنی خەڵکی کوردستان و پاراستنی مافە دەستووریی و نەتەوەییەکانمان.
ھەر شاد و سەرفراز بن
دڵسۆزتان
بافڵ جەلال تاڵەبانی
سەرۆکی یەکێتیی نیشتمانیی کوردستان
٨ی ئابی ٢٠٢٢
|