شارەوانی سلێمانی دواین وادەی بۆ تۆمارکردنی خانووە زیادەڕەوەکان دیاریکرد

07/08/2022
فۆتۆ: 
کوردسات نیوز

شارەوانیی سلێمانی دواین وادە بۆ تۆمارکردنی خانووە زیادەڕەوەکان دیاری دەکات و داواش لە خاوەن خانووە زیادەڕەوەکان دەکات، پێش ئەو وادەیە مامەڵەکانیان پێشکەش بکەن.

سەرۆکایەتیی شارەوانیی سلێمانی رایگەیاند، سەرجەم خاوەن خانووە زیادەڕەوەکان ئاگادار دەکەنەوە، تاکو رۆژی نۆی مانگی داھاتوو، مامەڵەی تایبەت بە تۆمارکردنی خانووە زیادەڕەوەکان وەردەگیرێت و لە دوای ئەو رێکەوتەوە ھیچ کارێکیان بۆ ناکرێت.

سەرۆکایەتیی شارەوانیی سلێمانی داوای لە خاوەن خانووە زیادەڕەوەکان کرد، پەلە بکەن لە پێشکەشکردنی داواکانیان، بە کاروباری یاسایی پارێزگای سلێمانی، بۆ ئەوەی بە پێی یاسا کاری پێویستیان بۆ بکرێت.