لە گەڕەکی تانجەرۆی سلێمانی بەھۆی شەڕەتەقەوە سێ کەس بریندار بوون
کوردسات نیوز
لە گەڕەکی تانجەرۆ لە شاری سلێمانی، لەسەر شەڕی منداڵ کە لە زستاندا شەڕەتۆپەڵیان کردووە، شەڕەتەقە لە نێوان دوو خێزاندا ڕوویدا و بەھۆیەوە سێ کەس بریندار بوون کە باوک و دوو کوڕن.
بە پێی زانیارییەکان، پێشتر لە زستاندا دوو کوڕی لەگەڵ خوێندکارانی قوتابخانەدا چوون بۆ ئەزمەڕ بۆ ناو بەفر و شەڕەتۆپەڵیان کرد، لەوێ لەسەر ئەوەی تۆپەڵ گیراوەتە چەند کچێک دەمەقاڵێ دروست بوو.
وتیشی، ھەرچەندە ئەو کات کێشەکە چارەسەر کرا بەڵام ئەمڕۆ بە ئۆتۆمبێلێکی جام ڕەش لایەنی دووەم چوونەسەر ماڵیان و بە فیشەک خۆی و دوو کوڕی بریندارکران و تۆمەتبارەکان ھەڵاتن.
ئاماژەی بەوەشکرد، خۆی و کوڕە گەورەکەی تەندروستییان باشە، بەڵام کوڕە بچوکەکەی کە تەمەنی ١٦ ساڵە تەندروستیی جێگیر نییە.
|