پوتن: پەیوەندییەکانی روسیا و بیلاروس گەیشتوەتە ئاستێکی نمونەیی
کوردسات نیوز
ڤلادیمێر پوتن سەرۆکی روسیا رایگەیاند، روسیا و بیلاروس گەیشتوونەتە ئاستێکی نمونەیی لە ھاوپەیمانی و ھاوبەشی ستراتیژی.
پوتن لە وتەیەکدا بۆ بەشدارانی نۆیەم کۆڕبەندی ھەرێمەکانی روسیا و بیلاروس رایگەیاند، روسیا و بیلاروس تەنھا پارێزگارییان لە نەریت و دۆستایەتی نێوانیان نەکردوە، بەڵکو توانیویانە بەھێزی بکەن و پەرەی پێبدەن.
وتیشی، ھەر دوو وڵات توانیویانە بگەنە ئاستێکی نمونەیی لە ھاوپەیمانی و ھاوبەشی ستراتیژی و دەوڵەتی فیدراڵی لە نێوان روسیا و بیلاروس نمونەیەکی راستەقینەیە لەسەر تەواوکاری و سودی ھاوبەش و یەکسانی.
|