سبەینێ کاریگەری ئەو شەپۆلی خۆڵ و بارانبارینە لاواز دەبێت
کوردسات نیوز
شەپۆلێکی خۆڵ و بارانبارین زۆربەی شار و شارۆچکەکانی ھەرێمی کوردستان و پارێزگاکانی ڕۆژئاوای عێراقی گرتەوە و سبەینێ کاریگەرییەکەی کەم دەبێتەوە.
بەڕێوەبەرایەتی گشتی کەشناسی و بومەلەرزەزانی ھەرێم ڕایگەیاند، ئەمڕۆ لە پارێزگای ھەولێر و کەرکوک و شارۆچکەکانی پیرمام و چەمچەماڵ و زاخۆ و بامەڕنێ و بەشێکی زۆری ناوچەکانی ھەرێمی کوردستان بە ڕێژەی جیاجیا باران باریوە.
ئاسۆ کەمال، بەڕێوەبەری کەشناسی و بومەلەرزەزانی سلێمانیش بە کوردسات نیوزی ڕاگەیاند، لە سلێمانی بایەکی بەھێز لەگەڵ نمەباران ھەبووە و کاریگەری بەو ھۆیەوە بڕی جیاواز لە ناوچەکان باران باریووە و ھەورە بروسکەشی لەگەڵدا بووە.
وتیشی، ڕۆژی یەکشەممە ئەو شەپۆلی خۆڵ و بارانبارینە لاواز دەبێت و پلەکانی گەرما ڕوو لە نزمبوونەوە دەکەن، ھەروەھا ڕۆژانی دواتر کەشوھەوا ئاسایی دەبێتەوە.
|