١٥ کەس لە کەنەدا تووشی ئاوڵەی مەیمون بوون
کوردسات نیوز
لێپرسراوانی تەندروستی لە کەنەدا رایانگەیاند، ١٠ حاڵەتی نوێی توشبوون بە ئاوڵەی مەیمون لە ھەرێمی کیبیک تۆمارکراوە و کۆی گشتی توشبووان بۆ ١٥ کەس بەرزبووەتەوە.
جان ئیڤ دوکلوس وەزیری تەندروستی کەنەداش پێشبینی کردووە کە لە چەند رۆژی داھاتوودا ژمارەی توشبووان زیاتر بەرز ببنەوە،
وتیشی دەرمان و پێداویستی تەندروستیان ئامادە کردووە بۆ چارەسەرکردنی توشبووان.
ئاوڵەی مەیمون چەند ھەفتەیەکە لە ئەوروپا و ئەمریکای باکور بڵاوبۆتەوە و نەخۆشییەکی دەگمەنە و لە ئەفریقا سەریھەڵداوە، ھەفتەی رابردووش یەکەم دوو حاڵەتی توشبوون لە کەنەدا تۆمارکرا.
|