روسیا چەکداری سوریا بۆ شەڕی ئۆکراین بەکاردەھێنێت
کوردسات نیوز
روانگەی سوری بۆ مافەکانی مرۆڤ رایگەیاند، روسیا سەدان چەکداری سوریای گواستووەتەوە بۆ وڵاتەکەی و لە شەڕی دژ بە ئۆکراین بەکاریان دەھێنێت.
روانگەی سوری بۆ مافەکانی مرۆڤ لەزاری چەند شایەتحاڵ و ئەفسەرێکی سوریا بڵاویکردەوە، تائێستا روسیا لانیکەم ٥٠٠ چەکداری لەناو ریزەکانی سوپای سوریا بردووە بۆ شەڕی ئۆکراین، ئاماژەی بەوەشکردووە، ئەو چەکدارانە لە رێی بنکەی سەربازیی حمێمیمەوە گوازراونەتەوە بۆ روسیا.
ئەوەش خراوەتەڕوو، موچەی ئەو چەکدارانە لە نێوان ١٠٠٠ بۆ ١٥٠٠ دۆلاری ئەمریکییە و بەڵێنیشیان پێدراوە دوای کۆتاییھاتنی ئۆپراسیۆنەکە پاداشت بکرێن.
|