گوڵتان کشاناک: لە بری خۆچەماندنەوە ئازادیخوازیی دروست دەکەین
کوردسات نیوز
گوڵتان کشاناک ھاوسەرۆکی پێشوی شارەوانی گەورەی شاری ئامەدی باکوری کوردستان راگەیاند، لە جیگەی سیستمی خۆ چەماندن سیستمی ئازادیخواز بونیات دەنێن.
١٢ھەمین دانیشتنی دۆزی کۆبانی کە ١٠٨ سەرکردە و ئەندامی ھەدەپە تێیدا دادگایی دەکرێن لە دادگای سزا قورسەکانی ئەنقەرە بەڕێوەدەچێت، گوڵتان کشاناک وتی، ئەو بیانووانەی دادگا لە دژی ئەوان بەکاریان دەھێنێت، سیاسین و یاسایی نین، چونکە ئەوان لە بەرامبەر نادادپەروەری بێدەنگ نەبوون و بۆیە ئێستاش لە زینداندان.
وتیشی، لەبەرئەوەی داوای یەکسانی و ئازادییان کردووە و وتوویانە دەبێت شەڕ کوتایی بێت، دەستگیرکراون، بەڵام ھەر سەردەکەون.
|