سوپای ئۆکراین کاروانێکی ھێزەکانی ڕووسیای لە دەروازەی کیێڤ تێکشکاند
کوردسات نیوز
سوپای ئۆکراین لە ڕاگەیەندراوێکدا بڵاویکردەوە، بەرەبەیانی ئەمڕۆ ھێزەکانیان کاروانێکی سوپای ڕووسیایان لە نزیک کیێڤی پایتەخت تێکشکاندووە کە بە نیازبوون بچنە ناو شارەکەوە.
ڕاشیگەیاندووە، کاروانەکە لە چەندین ئۆتۆمبێلی سەربازیی پێکھاتبوو، بەڵام ھیچ ئاماژەیەک بە زیانە گیانییەکانی ئەو ھێرشە نەکراوە.
ئەوەش دوای ئەوە دێت کە ڕاوێژکاری باڵای سەرۆکی ئۆکراین ڕایگەیاند، شەڕ و پێکدادان لە پایتەخت و ناوچەکانی باشوری وڵاتەکەی پەرەیسەندووە و ھێزەکانی ئۆکراین توانیوویانە بە باشترین شێوە بەرپەرچی ھێرشەکانی ڕووسیا بدەنەوە و بەردەوامن لە بەرگریکردن.
|