سەرۆكی پەرلەمانی كوردستان رایگەیاند، بەپێی ئامارە رەسمییەكان زیاتر لە ٥٠٪ی توندوتیژییەكان دژ بە ژنان لەرێگەی ئامێرەكانی پەیوەندیكردن و تۆڕەكۆمەڵایەتییەكانەوە كراون.
"د. رێواز فایەق" سەرۆكی پەرلەمانی كوردستان لە كۆنفرانسی یەكسانی جێندەری و ستراتیژییەتی بەهێزكردنی پێگەی ئافرەتان لە هەرێمی كوردستان رایگەیاند، چەند كەلێنێك لە یاسای بەرەنگاربونەوەی توندوتیژی دژی خێزان هەیە و داوای لە شارەزایانی ئامادەبووی كۆنفرانسەكە كرد بە تێبینی زانستی هاوكاری پەرلەمانی كوردستان بكەن بۆ نوسینەوە و هەمواركردنەوەی یاساكە لەپێناو كەمكردنەوە و رێگری لە حاڵەتەكانی توندوتیژی دژ بە ژنان و خێزان.