سەرۆکایەتی شارەوانی سلێمانی رونکردنەوە لەبارەی فرۆشتنی چەند قوتابخانە و خوێندنگایەک بڵاودەکاتەوە و رایدەگەیەنێت، ھەواڵی فرۆشتنی چەند قوتابخانە و خویندنگایەک دورە لەراستیەوە
لە رونکردنەوەیەکی سەرۆکایەتی شارەوانی سلێمانی ئاماژە بەوەدەکات، لە زۆربەی سایت کەناڵەکانی راگەیاندن ھەواڵی فرۆشتنی چەند قوتابخانەیەکی ناوشاری سلێمانی بڵاوکراوەتەوە کە دورە لەراستیەوە.
راشیگەیاندوە، تەنھا دووقوتابخانە کە خویندن بەزمانی تورکییە و خویندن تێیاندا ساڵانە بە پارەیە، ئەم دووقوتابخانەیە بە بڕیاری ئەنجومەنی وەزیران و بەراوێژ لەگەڵ وەزارەتی پەروردە بەمەبەستی چارەسەرکردنی گرفتی کەمی قوتابخانە و بە راوێژ لەگەڵ وەزارەتی شارەوانی وگەشتوگوزار ئەو دووقوتابخانەیە بفرۆشرێت بەزیادکردنی ئاشکرا.
سەرۆکایەتی شارەوانی سلێمانی تەئکیدی کردووەتەوە، دواتر بریار دەرچوو بە ھەڵوەشاندنەوەی فرۆشتنی لەگەڵ راگرتنی زیادکردنکە وبڕیاری راگرتنی زیادکردنەکە لە پەیجی فەرمی سەۆکایەتی شارەوانی سلێمانی بلاو کرایەوە لە رێکەوتی ٣ی ئایاری ٢٠٢١ لە رۆژنامەی کوردستانی نوێ دا بڕیاری بڵاوکراوەتەوە.