ئەمریکا: لە ١٧ی تشرینی یەکەمەوە لە عێراق و سوریا ٧٤ ھێرشکراوەتە سەر ھێزەکانمان

2023-12-01   |  
فۆتۆ: 
کوردسات نیوز
ھێرش و بۆردومانی گرووپە چەکدارەکان لە عێراق و سوریا بۆ سەر ھێزەکانی ئەمریکا لە زیادبووندایە و پنتاگۆنیش دواین ئاماری ھێرشەکان بڵاودەکاتەوە.

سابیرینا سینگ جێگری وتەبێژی وەزارەتی بەرگری ئەمریکا (پنتاگۆن) لە کۆنفرانسێکی رۆژنامەوانیدا رایگەیاند، دوای ھێرشەکەی رۆژی سێشەممەی رابردوو کە لە سوریا کرایە سەر ھێزەکانی ئەمریکا و ھیچ زیانێکی گیانی و ماددی نەبوو، کۆی ژمارەی ھێرشەکان لە ١٧ی تشرینی یەکەمەوە تائێستا لە عێراق و سوریا بۆ سەر ھێزەکانی ئەمریکا گەیشتووەتە ٧٤ ھێرش.

وتیشی، لە دوای راگەیەندنی ئاگربەستە مرۆییەکەی نێوان حەماس و ئیسرائیل، ھێرشەکەی رۆژی سێشەممەی رابردوو لە سوریا یەکەم ھێرش بووە کە لەو وڵاتە و عێراق کرابێتە سەر ھێزەکانی ئەمریکا.