فراکسیۆنی یەکێتی لە ئەنجومەنی نوێنەرانی عێراق دەستپێشخەرییەکی بە کۆکردنەوەی ئیمزا بۆ راستەوخۆ ناردنی مووچە بۆ مووچەخۆرانی ھەرێم لەبەغدادەوە راگەیاند.
سروە محەمەد ئەندامی ئەنجومەنی نوێنەرانی عێراق لە فراکسیۆنی یەکێتی رایگەیاند، لەپێناو بەدەستھێنانی شایستە داراییەکانی ھەرێمی کوردستان و بەتایبەت مووچەی مووچەخۆران، فراکسیۆنی یەکێتی دەستپێشخەرییەکی راگەیاند بە کۆکردنەوەی ئیمزا بۆ راستەوخۆ ناردنی مووچە بۆ مووچەخۆرانی ھەرێم وەک ھەموو شارەکانی تری عێراق.
ئاشکراشیکرد، ئەم ھەنگاوەیان بەھەستکردن بە بەرپرسیارییەتی بەرامبەر ھاوڵاتیانی خۆیان و لەپێناو کۆتاییھاتن بەم دڵەڕاوکێییە، کە زیاتر لە نۆ ساڵە ھاوڵاتیانی ھەرێم تێیدا دەژین.