نیوزلەندا پێدانی مافی مانەوە بە ژنێکی باشوری ئەفریقا رەتدەکاتەوە

2022-12-12   |  
فۆتۆ: 
لاڤە
ئەو ژنە ناوی "موندیلی بیزاودنھاوت"ە و تەمەنی ٣٦ ساڵە و رایگەیاند، لێپرسراوانی نیوزلەندا مافی مانەوەیان نەداوەتێ چونکە کێشی لەشی زۆر بووە.

وتیشی ماوەی پێنج ساڵە لە نیوزلەندا دەژی و ئەو ماوەیەش بەپێی یاسا بەسە بۆ ئەوەی مافی مانەوە و رەگەزنامەی پێبدرێت. 

لێپرسراوانی نیوزلەندا بە ژنەکەیان وتووە، کێشی لەشی ١٢٧ کیلۆگرامە و ئەوەش فشار لەسەر سیستمی چاودێری و کەرتی تەندروستی گشتی وڵاتەکەیان دروست دەکات. 

مەرجی ئەوەشیان بۆ داناوە کە ٣٠ کیلۆگرام لە کێشی داببەزێنێت یاخود وڵاتەکە بەجێبھێڵێت. 

بەڵام ئەو ژنە روبەڕووی بڕیاری لێپرسراوان بووەتەوە و سکاڵای لە دادگا پێشکەش کردووە و دادگاش ڕێگەی بە مانەوەی لە وڵاتەکەدا پێداوە، چونکە باری تەندروستی جێگیرە و ھیچ کێشەیەکی نییە.


 زۆرترین خوێندراو