ئۆکراین: لەسەرەتای جەنگەوە نزیکەی ١٣ ھەزار سەربازی ئۆکراینی کوژراون
2022-12-02
|
لاڤە
راوێژکارێکی "ڤۆلۆدمیر زیلینسکی" سەرۆکی ئۆکراین رایگەیاند، لە سەرەتای جەنگی روسیاوە تائێستا، نزیکەی ١٣ ھەزار سەربازی ئۆکراینی کوژراون.
"میخایلو بودولیاک" یەکێک لە راوێژکارانی سەرۆکی ئۆکراین لە چاوپێکەوتنێکدا رایگەیاند، بەپێی ئامارە رەسمییەکانی دەستەی ئەرکانی گشتی، نزیکەی ١٠ ھەزار بۆ ١٣ ھەزار سەربازی ئۆکراینی لە جەنگدا کوژراون. وتیشی لەکاتی گونجاودا "زیلینسکی" تەواوی ئامارەکان دەخاتەڕوو.
راوێژکارەکەی "زیلینسکی" وتیشی، لە مانگی حوزەیراندا کە روسیا ھەوڵی کۆنترۆڵکردنی تەواوەتی ناوچەی لوھانسکی دەدا لە خۆرھەڵاتی ئۆکراین، رۆژانە ٦٠ بۆ ١٠٠ سەربازیان لەدەستدەدا.
لە بەرامبەردا، "سێرگی شۆیگو" وەزیری بەرگری روسیا رایگەیاندووە، لە سەرەتای جەنگەوە پێنج ھەزار و ٩٣٧ سەربازییان کوژراون.
|