قادر حەمەجان: مافی خۆمانە ھەرێمەکەمان بکەینە ھەرێمێکی دەستوری

2021-06-21
فۆتۆ: 
کوردسات نیوز
لە شاری سلێمانی پانێڵی بەرەو دەستوورێکی دیموکراسی بۆ ھەرێمی کوردستان بە سپۆنسەری دەزگای میدیایی کوردسات و بە سەرپەرشتی "قادر حەمە جان عەزیز" ئەندامی ئەنجوومەنی باڵای سیاسی و بەرژەوەندی یەکێتی نیشتیمانی کوردستان بەڕێوەچوو.

قادر حەمەجان رایگەیاند، مافی خۆمانە ھەرێمەکەمان بکەینە ھەرێمێکی دەستوری.


وتیشی دەستور بۆ خەڵک دەنوسرێتەوە و دەبێت کۆکەرەوەی جیاوازییەکان بێت و کورد خاوەنی یەکڕیزی و یەک وتاری سیاسی بێت. 


ھاوکات "ئاری ھەرسین" ئەندامی ئەنجومەنی سەرکردایەتی پارتی وتی، دەستور تەنھا بۆ حزبێکی سیاسی نییە. 


بە وتەی چۆمان محەمەد ئەندامی جڤاتی بزووتنەوەی گۆڕانیش، ئەگەر دەستور نەتوانێت دەسەڵات لە حزبەکان وەربگرێتەوە ئەرزشێکی نابێت و سیستمی پەرلەمانی باشترینە بۆ ھەرێم. 


محەمەد حەکیم ئەندامی مەکتەبی سیاسی کۆمەڵیش رایگەیاند، دەبێت پێگەی ئایین لە دەستوردا دیار بێت و مافی کەمە نەتەوە و ئاینییەکان بپارێزرێت و چارەنوسی ناوچە دابڕێنراوەکانیش باس بکرێت.