ڕاگەیەندراوێک لە حکومەتی ھەرێمی کوردستانەوە
بەزاندن و پێشێلکردنی چەندبارەی سەروەریی خاکی ھەرێمی کوردستان بە مووشەکباران، بە توندی سەرکۆنە دەکەین.
بۆردومانکردنی بنکەکانی ئۆپۆزسیۆن بە مووشەک لە لایەن کۆماری ئیسلامیی ئێرانەوە، بە ھەر پاساوێک، ھەڵوێستێکی ناڕاست و بەلاڕێدابردنی ڕەوتی ڕووداوەکانە و جێگای سەرسوڕمانە. ئەم جۆرە ھێرشانە، کە بەردەوام دەکرێنە سەر خاکمان و بەو ھۆیەوە ، خەلکی سیڤیلیش دەبنە قوربانی، شەرمەزار دەکەین و پێویستە کۆتایی بەم دەستدرێژیانە بھێنرێت.
سەرۆکایەتی حکومەتی ھەرێمی کوردستان
٢٠٢٢/٩/٢٨