لەگەڵ بەڕێوەچوونی کۆبوونەوەی ئەنجومەنی نوێنەرانی عێراق، رێوشوێنی ئەمنی توند لە ناوچەی سەوزی بەغداد گیراوەتە بەر و چەندین شەقامیش بە کۆنکرێت داخراون.
لە سەعات ١٢ی شەوەوە، بەشێک لە شەقامەکانی بەغداد لەلایەن ھێزە ئەمنییەکانەوە بە کۆنکرێت داخران و ھەروەھا ھێزێکی ئەمنی زۆر لەسەر شەقامەکان بڵاوەیان پێکراوە.
فەرماندەیی ئۆپراسیۆنەکانی بەغدادیش رایگەیاندووە، دەروازەکانی شاری بەغداد دانەخراون و تەنھا رێکاری ئەمنی گیراوەتەبەر، بەھۆی داخستنی بەشێک لە پرد و شەقاماکەکانی دەوروبەری ناوچەی سەوزیش قەرەباڵغییەکی زۆر لە ناوچەکە دروست بووە و کێشە بۆ ھاتووچۆی خوێندکاران دروست بووە.