سەردانی عەممار حەکیم بۆ سعودیە کاردانەوەی لە عێراق لێکەوتەوە

2022-08-18   |  
فۆتۆ: 
کوردسات نیوز
سەردانی عەممار حەکیم سەرۆکی رەوتی حیکمەی نیشتمانی بۆ سعودیە، کاردانەوەی لە ناوخۆی عێراق لێکەوتەوە،

(عائید ھیلالی)  سەرکردە لە چوارچێوەی ھەماھەنگی رایگەیاند/  سەردانەکەی (عەممار حەکیم) بۆ سعودیە، پەیوەندی بە قەیرانی سیاسی عێراقەوە ھەیە و لە میانی سەردانەکەدا داوا لە سعودیە دەکرێت، رۆڵی ھەبێت لە چارەسەرکردنی ناکۆکیەکانی نێوان چوارچێوەی ھەماھەنگی و سەدر، بە تایبەت کە سعودیە پەیوەندیی باشی لەگەڵ رەوتی سەدر ھەیە و دەتوانێت رۆڵی ھەبێت لە چارەسەرکردنی ناکۆکیەکان و لێکنزیکردنەوەی بۆچونەکان و دەتوانێت گەرەنتی جێبەجێکردنی ھەر رێکەوتنێک بکات، کە لە نێوان ئەو دوو لایەنە بکرێت.

رۆژی چوارشەممە عەمار حەکیم سەرۆکی رەوتی حیکمەی نیشتمانی، سەردانی سعودیەی کرد و لە لایەن (وەلید بن عەبدولکەریم خریجی) جێگری وەزیری دەرەوەی سعودیە پێشوازی لێکرا و بڕیارە چاوی بە لێپرسراوانی باڵای سعودیە بکەوێت.

 


 زۆرترین خوێندراو