ژمارەیەك كۆچبەری كورد و عێراقی لە یۆنان لە ڕەوشێكی خراپدان

ژمارەیەك كۆچبەری كورد و عێراقی لە یۆنان لە ڕەوشێكی خراپدان

ژمارەیەك كۆچبەری كورد و عێراقی لە یۆنان لە ڕەوشێكی خراپدان، سەرۆكی دەزگای لوتكەش دەڵێت، ژمارەیەك كۆچبەریش بە تاوانی جیاجیا دەستگیركراون.

"ئاری جەلال" سەرۆكی دەزگای لوتكە بۆ كاروباری پەنابەران و ئاوارەكان بە كوردسات نیوزی ڕاگەیاند، زیاتر لە ١٠ بۆ ١٢هەزار كۆچبەری كورد و عێراقی لە كەمپەكانی یۆنان لە ڕەوشێكی زۆر خراپدان كە لە شێوەی زیندانیدا دەستبەسەرن، چونكە ئەو كۆچبەرانە بەشێكی زۆریان ماوەی چەند ساڵیكە لەو وڵاتەدان و ڕێگەیان پێنادرێت بڕۆنە دەرەوە، هیچ وەڵامێكیشان لە وڵاتانی ئەوروپا وەرنەگرتووە.

وتیشی، سەدان كۆچبەر بە تۆمەتی جیاجیا لە گرتوخانەكانی یۆنان زیندانیكراون و حوكم دراون، دەزگای لوتكەش هاوكاری پێشكەش بە بەشێك لەو زیندانیكراوانە كردووە و لە ماوەی ٣ مانگدا ئازاد كراون، بەردەوام لە هەوڵی ئەوەشدان هاوكاری زیندانییەكان بكەن و لەو ڕەوشە خراپە ڕزگاریان بكەن.