وەزیری كۆچ: ئاوارەكان بە ویستی خۆیان گەڕاونەتەوە بۆ زێدی خۆیان

وەزیری كۆچ: ئاوارەكان بە ویستی خۆیان گەڕاونەتەوە بۆ زێدی خۆیان

وەزیری كۆچ و كۆچبەرانی عێراق ڕوونیكردەوە: ئاوارەكان بە ویستی خۆیان و بە بێ‌ هیچ جۆرە فشارێك گەڕاونەتەوە بۆ زێدی خۆیان.

نەوفەل موسا وەزیری كۆچ و كۆچبەرانی عێراق لە ڕاگەیاندراوێكدا بڵاویكردەوە: وەزارەتەكەی بە هەماهەنگی لەگەڵ لایەنە پەیوەندیدارەكانی تر، كار ئاسانیان بە مەبەستی گەڕانەوەی ئاوارەكان بۆ زێدی خۆیان كردووە، ڕوونیشیكردەوە: ئاوارەكان بە بێ‌ هیچ جۆرە فشارێك و بە ویستی خۆیان گەڕاونەتەوە بۆسەر ماڵ و حاڵی خۆیان.

وەزیری كۆچ و كۆچبەران لە بەشێكی تری ڕاگەیاندراوەكەدا پێشبینیشی كرد، بەهۆی باش بوونی ڕەوشی ئەمنی و ئاوەدانكردنەوەی ناوچە ڕزگاركراوەكانی ژێر دەسەڵاتی داعش، بە سەدان ئاوارەی تر بگەڕێنەوە بۆ زێدی خۆیان.