هەسارۆكەیەك هەڕەشە لە زەوی دەکات

هەسارۆكەیەك هەڕەشە لە زەوی دەکات

ئاژانسی ناسای ئەمریكی رایگەیاند:  لە مانگی داهاتوودا هەسارۆكەیەكی گەورە لە زەوی نزیکدەبێتەوە.

 ئاژانسی ناسا رایگەیاندووە: ئەو هەسارۆكەیە لە مانگی ئەیلولی داهاتوودا بەلای زەویدا تێپەڕدەبێت و لە 14ی مانگدا بە شێوەیەكی بەرچاو لێی نزیکدەبێتەوە، كە پانییەكەی زیاتر لە 650 مەترە و قەبارەكەی زیاتر لە دوو هێندەی تاوەری شاردە لە لەندەن، كە بە گەورەترین باڵەخانەكانی ئەوروپا دادەنرێت. 

رۆژنامەی ئیندپێندنتی بەریتانیش، ئەو هەسارۆكەیەی بە "دێوی بۆشایی ئاسمان" ناوبردووە و رایگەیاندووە: بەخێرایی 14 هەزار میل لە سەعاتێكدا بەلای زەویدا تێدەپەڕێت.

ئەگەرچی "ناسا" رایگەیاندووە هیچ مەترسییەکی نییە بۆ پێكدادانی نێوان ئەو هەسارۆكەیە لەگەڵ زەوی، بەڵام سەرۆكی ئاژانسی زانستی فەزایی ئەمریكی هۆشداری داوە لە ئەگەری بەركەوتنی هەسارۆكە و زەوی لە داهاتوودا. 

دوایین جار كە ئەو هەسارۆكەیە دەركەوتووە، لە 1ی ئەیلولی ساڵی 2000دا بووە و هەموو 20 ساڵ جارێك دەردەكەوێت و جارێكی تر لە ساڵی 2038، دووبارە دەبێتەوە.