لە هەشت ساڵی ڕابردوودا ٥٩٤ كۆچبەر گیانیان لە دەستداوە

لە هەشت ساڵی ڕابردوودا ٥٩٤ كۆچبەر گیانیان لە دەستداوە

كۆچی بە لێشاوی هاووڵاتیانی كوردستان بۆ وڵاتانی ئەوروپا، لە ماوەی چەند ساڵی ڕابردوو چەندین ڕووداوی دڵتەزێنی لێ كەوتووەتەوە.

ئامارەكانی هەشت ساڵی ڕابردووی دەزگای لوتكە بۆ كاروباری پەنابەران و ئاوەرەكان پیشانی دەدەن ٥٩٤ هاووڵاتی هەرێمی كوردستان لە كاتی كۆچكردنیان بۆ دەرەوەی وڵات گیانیان لە دەستداوە و ١٥٠ كەسی تریش بێ سەروشوێنن.

یەكێك لە كەسوكاری بێ سەروشوێنان دەڵێت، ماوەی دوو ساڵە لە چاوەڕوانی هەواڵێكی كوڕەكەی و نەوەكەی دایە، بەڵام تا ئێستا هیچ هەواڵێكیان لە بارەوە نازانین.

سەرۆكی دەزگای لوتكە بۆ كاروباری پەنابەران و ئاوەرەكان ئاماژە بە هەوڵەكانیان دەكات بۆ ئاشكراكردنی چارەنووسی ئەو كۆچبەرانە كە چەند ساڵێكە هیچ سۆراغێكیان نییە.