كەشناسی عێراق: تا ناوەڕاستی هەفتەی داهاتوو شەپۆلی گەرما بەردەوام دەبێت

كەشناسی عێراق: تا ناوەڕاستی هەفتەی داهاتوو شەپۆلی گەرما بەردەوام دەبێت

كەشناسی عێراق ڕایدەگەیەنێت: شەپۆلی گەرما تا ناوەڕاستی هەفتەی داهاتوو لە وڵاتەكە بەردەوام دەبێت و پلەكانی گەرماش لە پارێزگاكانی هەرێم، لە نێوان ٤٠ بۆ ٤٣ پلەی سەدیدا دەبێت.

دەستەی كەشناسی و بومەلەرزەزانی عێراق بڵاویكردەوە، ئەو شەپۆلی گەرمایەی وڵاتەكەی گرتووەتەوە، هەتا ناوەڕاستی هەفتەی داهاتوو بەردەوام دەبێت و لە "بەغداد و سەڵاحەدین و ئەنبار و كەربەلا" پلەكانی گەرما دەگاتە ٤٥ پلەی سەدی.

لە پارێزگاكانی موسڵ و دیالە و واست و كەركوكیش ٤٤ پلەی سەدی تۆمار دەكرێت، لە دهۆك و سلێمانی و هەولێریش، پلەكانی گەرما لەنێوان ٤٠ بۆ ٤٣ پلەی سەدیدا دەبن.