سۆشیال میدیا خوێنەری كتێبی كەمكردووەتەوە

سۆشیال میدیا خوێنەری كتێبی كەمكردووەتەوە

سۆشیال میدیا خوێنەری كتێبی كەمكردووەتەوە.

بەڕێوەبەری كتێبخانەی چەمچەماڵ ڕایدەگەیەنێت ڕێژەی خوێنەری كتێب لە چەمچەماڵ كەمیكردووە، خوێنەران و رۆشنبیرانی قەزاكەش هۆكارەكەی بۆ پێشكەوتنی  تەكنەلۆژیا و سۆشیال میدیا دەگەڕێننەوە و دەڵێن، خوێندنەوەی كتێب تایبەتمەندی خۆی هەیە و چێژیشی زیاتر لەوەی لە سۆشیال میدیاوە بەدەست دێت.

لەلای خۆشیەوە، كاروان حەمەد خورشید بەرێوەبەری كتێیبخانەی چەمچەماڵ ڕایگەیاند: بەرێوەبەرایەتی كتێیبخانەی چەمچەماڵ ساڵانە ٨ بۆ ٩ پێشنگای کتێب دەکاتەوە بە ئامانجی ئاشناکردنی خوێنەران بە کتێب و لەگەڵ پێشانگاکاندا هەڵمانداوە زۆرترین کۆڕ و سیمینار و چالاکی ئەنجامبدەین.

وتیشی، دەرگای کتێبخانەکە بەردەوام واڵابووە بۆ هەموو ئەو ڕێکخراو و خۆبەخشانەی کە سەردانی کتێبخانەیانکردووە و کار و چالاکیان هەبووە یان ویستویانە بە هەر شێوەیەک بێت خزمەتی ئەم کۆمەڵگایە بکەن.