بەپەلە : نێیمار داسێلڤا یانە نوێیەكەی هەڵبژارد

بەپەلە : نێیمار داسێلڤا یانە نوێیەكەی هەڵبژارد

راپۆرتە رۆژنامەوانیەكانی فەڕەنسا ئاشكرایانكردووە: نێیمار داسێلڤای بەرازیلی و ئەستێرەی یانەی پاریس سان جێرمان، یانە نوێیەكەی هەڵبژاردووە و بڕیاریداوە، لە بازاڕی هاوینەدا ریزەكانی یانە فەڕەنسیەكە جێبهێڵێت.

رۆژنامەی" لۆباریزیان"ی فەڕەنسی دوپاتیكردۆتەوە: نێیمار دەیەوێت بگەڕێتەوە بارسێلۆنا و لە پاڵ لیۆنێل مێسی یاری بكات، بەهیچ شێوەیەك نایەوێت پەیوەندی بە ریاڵ مەدرید بكات و یاریش بۆ یانەی شاهانە ناكات.

لەلایەكی ترەوە، رۆژنامەكان ئاشكرایانكردووە: كێبركێی نێوان هەردوو یانەی بارسێلۆنا و ریاڵ مەدرید بۆ گواستنەوەی نێیمار زیاتر دەبن.

بە پێی زانیاریەكان، ئەگەر بارسێلۆنا نەتوانێت نێیمار بكڕێت، ئەوا ئەستێرە بەرازیلیەكە هیچ رێگا چارەیەكی نیە و ئامادەیە بێتە سانتیاگۆ بێرنابیۆ یاری بكات.